ئامرازه‌کان خوێنراوه‌ته‌وه‌:١٤٢ ژماره‌ی پرسیار: 1841 چاپی بکه بینێره بۆ هاوڕێکه‌ت‌

به ‌ناوی خوای به‌خشنده‌ی میهره‌بان.
سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی.

بۆ‌ وه‌ڵامی پرسیاره‌که‌ی به‌ڕێزتان:
سه‌ره‌تا داواكارین له‌خوای گه‌وه‌ داواكارین كه‌ ئاشتی و ته‌بایی بخاته‌ ماڵی گشت موسوڵمانێكه‌وه‌ به‌تایبه‌تی ماڵ و خانه‌واده‌ی جه‌نابت، و سه‌باره‌ت به‌كێشه‌كه‌ش خوای په‌روه‌ردگار له‌ قورئانی پیرۆزدا به‌ وردی باس له‌ رِێگه‌چاره‌كانی ئه‌م جۆره‌ حاڵه‌تانه‌ ده‌كات به‌م شێوه‌یه‌ی خواره‌:
یه‌كه‌م هه‌نگاوی چاره‌سه‌ر به‌ ئامۆژگاریكردن و قسه‌ی خێر ده‌ست پێ ده‌كات، ئه‌گه‌ر سوودی نه‌بوو ئه‌وا بۆ به‌ئاگا هێنانه‌وه‌ی له‌وه‌ و پاش كاری سه‌ر جێی له‌گه‌ڵ ناكه‌یت و جێگه‌ی لێ جیاده‌كه‌یته‌وه‌ و له‌گه‌ڵی ناخه‌ویت، ئه‌گه‌ر هه‌ر سوودی نه‌بوو ئه‌وا ده‌توانیت زیاتر ئازاری ناخی بده‌یت به‌وه‌ی لێی بده‌یت به‌ڵام لێدان ته‌نها بۆ ئازاردانی ناخێتی نه‌ك جه‌سته‌ی، بۆیه‌ له‌ لێداندا به‌هیچ شێوه‌یه‌ك دروست نییه‌ ئازار به‌ جه‌سته‌ی بگات یان شوێنی بریندار بكرێت، یان لێدانه‌كه‌ شوێنه‌وار به‌جێ بهێڵێت، وه‌نابێت له‌ شوێنه‌ هه‌ستیار و ناسكه‌كان بدرێت له‌ وێنه‌ی ده‌م و چاو.
به‌ڵام باشتر وایه‌ په‌نا بۆ لێدان نه‌برێت چونكه‌ پێغه‌مبه‌ری خوا(صلى الله عليه وسلم) وه‌كو دایكی باوه‌رِداران بۆمانی ده‌گێرِێته‌وه‌ قه‌ت ده‌ستی له‌ ئافره‌ت و مناڵ به‌رز نه‌كردۆته‌وه‌.
ئه‌گه‌ر هه‌ر چاره‌سه‌ری نه‌بوو ئه‌وا (تحكیم) ده‌كرێت به‌وه‌ی كه‌ ئافره‌ته‌كه‌ كه‌سێكی نزیكی خۆی كه‌ جێی متمانه‌ی بێت و پیاوه‌كه‌ش كه‌سێكی نزیكی خۆی كه‌ جێی متمانه‌ی بێت ده‌نێرن و به‌مه‌به‌ستی گفتو گۆكردن بۆ چاره‌سه‌ركردنی كێشه‌كان، ئه‌گه‌ر توانیان ڕِێكیان بخه‌نه‌وه‌ ئه‌وه‌ باشه‌ وه‌گه‌ر نا ئه‌و كات كێشه‌كه‌ ڕِووبه‌رِووی دادگا ده‌كرێته‌وه‌.
وه‌ ئه‌گه‌ر جه‌نابت دڵنیایت كه‌تاوانی خێزانته‌ و به هیچ كام له‌و ڕێگه‌چارانه‌ بۆت چاره‌سه‌ر ناكرێت ئه‌وا ده‌توانیت ته‌ڵاقی نه‌ده‌یت و كێشه‌كه‌ بخه‌یته‌ به‌رده‌م دادگا و داوای نشوز(ئافره‌تێک که‌ به‌ گوێی مێردی ناکات) له‌سه‌ر خێزانه‌كه‌ت تۆمار بكه‌یت و دادگا خێزانه‌كه‌ت بانگهێشت ده‌كات لێكۆڵینه‌وه‌ له‌گه‌ڵ خێزانه‌كه‌ت ده‌كات و ئه‌گه‌ر دادگا گه‌یشته‌ قه‌ناعه‌ت كه‌ خێزانه‌كه‌ت تاوانباره‌ له‌ كێشه‌كانی نێوانتاندا ئه‌وا داوای گه‌ڕِانه‌وه‌ و گوێرِایه‌ڵی لێ ده‌كات و ماوه‌یه‌كی بۆ دیاری ده‌كات، ئه‌گه‌ر گه‌ڕایه‌وه‌ له‌و ماوه‌یه‌دا و قه‌ناعه‌تی كرد ئه‌وا باشه‌، ئه‌گه‌ر نا دادگا به‌ ناشز له‌ قه‌ڵه‌می ده‌دات و ئیتر نه‌فه‌قه‌ی له‌ سه‌ر تۆ نامێنێت و بۆت هه‌یه‌ یه‌ك سه‌ر داوای جیابوونه‌وه‌ی لێ بكه‌یت له‌ دادگا و ئه‌و كات تۆ ته‌ڵاقی ناده‌یت به‌ڵكو دادگا جیاتان ده‌كاته‌وه‌ و ماره‌یه‌ پاشه‌كییه‌كه‌ی ده‌فه‌وتێت و له‌ئه‌ستۆی تۆ نامێنێت و زۆرێكی تریش له‌ ناو ماڵ و شتی تر بۆ جه‌نابت ده‌گه‌رِێته‌وه‌.

خوای گه‌وره‌ش زاناتره ‌(جل وعلا).‌
وصلى الله على نبینا محمد وعلى آله وصحبه وسلم.
- - - - - - - - - - - - - - - - - - - - - - - - - - - - - - - - -
لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.