ئامرازه‌کان خوێنراوه‌ته‌وه‌:١٧٧ ژماره‌ی پرسیار: 1595 چاپی بکه بینێره بۆ هاوڕێکه‌ت‌

به ‌ناوی خوای به‌خشنده‌ی میهره‌بان.
سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی.

بۆ‌ وه‌ڵامی پرسیاره‌که‌ی به‌ڕێزتان:
سه‌ره‌تا به‌شێوه‌یه‌كی گشتی پێویسته‌ مرۆڤی باوه‌رِدار له‌ هه‌موو بنه‌ماكانی ئیمان و ئیسلام شاره‌زا بێت، وپاشان هیڵه‌ سه‌ره‌كیه‌كانی حه‌ڵاڵ و حه‌رامی ئاینه‌كه‌ی بزانێت به‌تایبه‌تی له‌و شتانه‌ی كه‌رِۆژانه‌ رِوبه‌رِوی ده‌بنه‌وه‌، بای ئه‌وه‌نده‌ زانیاری له‌سه‌ریان هه‌بێت كه‌ بتوانێت وه‌كو پێویست كاریان پێ بكات دوور له‌هه‌موو هه‌ڵه‌و كه‌موو كورِیه‌ك، وه‌ هه‌ر ئاڵۆزیه‌كی له‌سه‌ر هه‌ر مه‌سه‌له‌یه‌ك بۆ دروست بوو پێویسته‌ پرسیاری خه‌ڵكی شاره‌زای لێ بكات، وه‌ به‌شێوه‌یه‌كی تابیه‌تیش پێویسته‌ هه‌موو كه‌سێك ئه‌و شتانه‌ بزانێت كه‌ په‌یوه‌ندی به‌ژیانی رِۆژانه‌یه‌وه‌ هه‌یه‌ یان كارو كه‌سابه‌تیه‌وه‌ هه‌یه‌، بۆنموونه‌ ئافره‌ت جگه‌ له‌ شته‌ گشتیه‌كان پێویسته‌ ئه‌حكامی عاده‌ بوون وسورِی مانگانه‌ و حه‌مل بزانێت، وپیاویش حه‌ڵاڵ و حه‌رامی پیشه‌كه‌ی بزانێت، وهه‌ر كه‌س به‌پێی پیشه‌كه‌ی خۆی.
به‌هه‌ر حاڵ مرۆڤ فه‌رزی عه‌ینه‌ له‌سه‌ری كه‌ حوكمی شه‌رعی هه‌موو ئه‌و شتانه‌ بزانێت به‌خۆی یان به‌هۆی خه‌ڵكی تره‌وه‌ كه‌ رِوبه‌رِوی ده‌بنه‌وه‌ بۆ ئه‌وه‌ی بتوانێت خوا له‌خۆی رِازی بكات و خۆی له‌سه‌ر پێچی و حه‌رام بپارێزێ و ئه‌رك و واجباته‌ شه‌رعیه‌كانیشی به‌جوانترین شێوه‌ جێ به‌جێ بكات.





خوای گه‌وره‌ش زاناتره ‌(جل وعلا).‌
وصلى الله على نبینا محمد وعلى آله وصحبه وسلم.
- - - - - - - - - - - - - - - - - - - - - - - - - - - - - - - - -
لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.